ഷിക്കാഗോ: 2001 മാര്ച്ച് 13-നു സ്ഥാപിതമായ ഷിക്കാഗോ സീറോ മലബാര് രൂപത കഴിഞ്ഞ 16 വര്ഷങ്ങള്കൊണ്ട് നേടിയിരിക്കുന്ന വളര്ച്ച മഹത്തരമാണെന്നു സീറോ മലബാര് സഭ മേജര് ആര്ച്ച് ബിഷപ്പ് കര്ദ്ദിനാള് മാര് ജോര്ജ് ആലഞ്ചേരി പിതാവ് പ്രസ്താവിച്ചു. സെപ്റ്റംബര് 12 മുതല് 15 വരെ തീയതികളില് ഡേറിന്, കാര്മലേറ്റ് സ്പിരിച്വല് സെന്ററില് നടന്ന വൈദീക സമ്മേളനം 2016 ഉദ്ഘാടനം ചെയ്ത് സംസാരിക്കുകയായിരുന്നു മേജര് ആര്ച്ച് ബിഷപ്പ്.
രൂപതയുടെ ഇടവകകളിലും മിഷനുകളിലും കൂട്ടായ്മയുടെ അനുഭവം ശക്തിപ്പെടുന്നതായി അദ്ദേഹം അഭിപ്രായപ്പെട്ടു. അമേരിക്കയില് ജനിച്ചുവളര്ന്ന 11 പേര് രൂപതയ്ക്കുവേണ്ടി സെമിനാരി പരിശീലനം നടത്തുന്നുവെന്നതു ഏറെ സന്തോഷകരവും പ്രത്യാശയ്ക്ക് വക നല്കുന്നതുമാണെന്ന് പിതാവ് സൂചിപ്പിച്ചു.
2001-ല് വെറും രണ്ട് ഇടവകകളും ആറു മിഷനുകളുമായി ആരംഭംകുറിച്ച രൂപതയ്ക്ക് ഇന്ന് അമേരിക്കയിലുടനീളം 39 ഇടവകകളും, 39 മിഷന് കേന്ദ്രങ്ങളുമുണ്ട്. രൂപതയുടെ വിവിധ ഇടവകകളിലും പന്തീരായിരത്തോളം കുടുംബങ്ങള് രജിസ്റ്റര് ചെയ്തിട്ടുണ്ട്. ഒമ്പതിനായിരത്തോളം കുട്ടികള് വിശ്വാസപരിശീലനം നടത്തുന്നു. എഴുപത്തഞ്ച് വൈദീകര് സഭയില് സേവനം ചെയ്യുന്നുണ്ട്.
Comments