ബർത്താൽ (ചേറുശ്ശേരി അനിയൻ വാരിയർ )
ആരംഭശൂരാ : ഖലു കേരളീയാ : എത്ര ശരി. സ്‌കൂൾ - പഠന
കാലത്ത് കയ്യെഴുത്തുമാസിക തുടങ്ങിയത് ഓർക്കുന്നുണ്ടോ ?
എത്ര ലക്കം പുറത്തുവന്നു ? ഒന്നോ രണ്ടോ ?? ആരംഭശൂരാ : ...
ബന്ദും ഹർത്താലും ചേർന്ന ബർത്താലിൻറെ കാര്യമെടുക്കുക .
മാസത്തിലെ മുപ്പത്തിയേഴാമത്തെ ബർത്താലായിട്ടുപോലും
ആരംഭശൂരത്വം വിട്ടില്ല. എത്രതരം ബർത്താലുകൾ !!! അംശം ,
വില്ലേജ് , താലൂക്ക്, ഡിസ്ത്രിക്ട്, സംസ്ഥാന, നാഷണൽ .......
അവിടെ നിന്നു. പരിസമാപ്തിയിലെത്തിച്ചില്ല. മലയാളികൾ
ലോകംമുഴുവൻ വ്യാപിച്ചിട്ടുണ്ടെന്ന് എന്തേ ഓർത്തീലാ ?
സൂര്യനസ്തമിക്കാത്ത ബ്രിട്ടീഷ് സാമ്രാജ്യം എന്നു കേട്ടിട്ടില്ലേ ?
നാഷണൽ കഴിഞ്ഞാൽ അടുത്തത് '' ഭൂലോകബർത്താൽ '' !
പക്ഷെ പ്രശ്നം. ഇവിടെ ബർത്താൽ ആഘോഷിക്കുമ്പോൾ
അമേരിക്കയിൽ രാത്രിയാണ് , [ആസ്‌ത്രേലിയയിലെ കാര്യം
കുന്തം ! കണ്ടുപിടിക്ക്] . പക്ഷെ അവിടങ്ങളിലുള്ളവരുടെ
( മലയാളികളുടെ ) രക്തം നമ്മുടേതുതന്നെയല്ലേ ? കടകൾ
ബലമായി അടപ്പിക്കുക , കല്ലെറിയുക , തച്ചുടയ്ക്കുക .....
തുടങ്ങിയ സാംസ്കാരിക - കലാപരിപാടികൾ അവിടങ്ങളിൽ
സംഘടിപ്പിക്കുക . അപ്പോൾ നമുക്ക് സൂര്യനസ്തമിക്കാത്ത
മലയാളീ സാംസ്കാരിക - കലാമേളക്കു തുടക്കമാകും. പിന്നെ
കാര്യങ്ങൾ തന്നെത്താൻ നടന്നുകൊള്ളും. എ - പാർട്ടിയിലെ
ഒരു കോന്തൻ ബി- പാർട്ടിലെ ഒരു കോന്തനെ കൊഞ്ഞനം
കാട്ടിയാൽ ഉടനെ ബി - പാർട്ടി ബർത്താലിന്‌ ആഹ്വാനം
കൊടുക്കും. അത് ലോകംചുറ്റി വരുമ്പോഴേക്കും ഒരു ബി -
കോന്തൻ എ - യിലെ അല്ലെങ്കിൽ സി - യിലെ കോന്തനെ
രണ്ടുപ്രാവശ്യം കൊഞ്ഞനംകുത്തിയിട്ടുണ്ടാകും. അപ്പോൾ
അവർ ബർത്താലിന്‌ ആഹ്വാനംകൊടുക്കും. വീണ്ടും
ലോകംമുഴുവൻ ആഘോഷം . NEVER A DULL MOMENT !
C. S. Sankara Warrier, Anubhuti Cherussery 680 306
പിൻകുറിപ്പ് അഥവാ വാൽക്കഷ്ണം TAIL PIECE / NB
കേരളം വിദേശരാജ്യങ്ങളിൽനിന്നും പ്രളയാശ്വാസമായി
ലക്ഷങ്ങളോ കോടികളോ പിരിയ്ക്കുന്നു , നാട്ടിൽനിന്നും
പരമാവുധി പണം സംഭരിക്കുന്നു . എന്ത് കാര്യം ? ഒരു
ദിവസത്തെ ബർത്താൽമൂലമുണ്ടാകുന്ന നഷ്ടം എത്ര
കോടി ? എത്രപേരുടെ ഉപജീവനം മുടങ്ങുന്നു ? എത്രപേർ
വഴിയിൽ കുടുങ്ങുന്നു ? വീട്ടിലെത്താൻ കഴിയാത്ത
എത്ര സ്ത്രീകൾ മാനംരക്ഷിക്കാൻ പാടുപെടുന്നു ?
ദൂരയാത്രക്കാരുടെ ദുരിതങ്ങളോ ? ബർത്താൽദിനത്തിലെ
നാശത്തിൻറെ കണക്ക് വേറെ . [ CSS ]
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
