പുത്തൻ കളികൾ ( ചേറുശ്ശേരി അനിയൻ വാരിയർ )
കുട്ടിക്കളിയാണ് കള്ളനും പോലീസും
കുട്ടികളോതവെ, യമ്പരന്നു
ഒളിച്ചുകളിക്കും അധോലോകനായക ---
നാകാൻ കൊതിക്കുന്നു കുട്ടിയിന്ന് !
................ കൊതിക്കണു .................
' തൊടലും പിടിക്കലും ' എന്നുമെന്നും
ടീവീക്കളറിൽ നാം കാണ്മതല്ലേ .
ഒറ്റ - ഇരട്ട കളിക്കുന്ന സോഫ്ട് വെയർ
വാങ്ങാൻ ശഠിക്കുന്നു കുട്ടികളും
.................. ശഠിക്കണു ..............
' കുട്ടിയും കോലും ' : അപകടമിക്കളി
എന്നു മുതിർന്നവർ ചൊല്ലിടുമ്പോൾ
' തോക്കും തിരകളും ' വെച്ചുകളിക്കണോ
എന്ന് മറുപടി കിട്ടുമല്ലോ !
പൊട്ടിത്തെറികളും തീവെപ്പുഘോഷവും
വെട്ടിക്കൊലകളും എത്രയെത്ര !
ഇക്കളി തീക്കളി എന്നു പറഞ്ഞവർ
ഇക്കിളി കൂട്ടണു തമ്മിൽ തമ്മിൽ
രാഷ്ട്രീയമെന്ന പുതുകളിക്കില്ലലോ
രാഷ്ട്രവുമായത്ര ബന്ധമൊന്നും
ശമ്പളം പറ്റുന്ന - കിമ്പളം വാങ്ങുന്ന
നീചത്തൊഴിലുകളെത്ര ഭേദം ?
പണ്ടത്തെ കുട്ടി മുതുക്കനായി
പൂർവസ്മരണ അയവിറക്കെ
നഷ്ടസ്വർഗത്തിൻ മധുരമറിഞ്ഞിടാ --
ത്തിന്നത്തെ കുട്ടികളെന്തറിഞ്ഞു ?
C. S. Sankara Warrier, Anubhuti 680306
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
