മാരുതന് മെല്ലെ വീശി വന്നെത്തുവാന്,
ജാലകങ്ങള് തുറന്നിട്ടിടുന്നു ഞാന്.
താതനെപ്പോലെ തലയില് തലോടി
യെന്നരികിലല്പ്പമിരിക്കുമോ തെന്നലേ...
ഉടപ്പിറപ്പിന്റെ കരുതുന്ന സ്നേഹമായ്,
കരുത്തിലൊട്ടും കുറയ്ക്കാതെതന്നെ നീ
ഒരു കൊടുങ്കാറ്റു പോലെന്റെ ചുറ്റിലും
കവചമായെന്നെ കാത്തു രക്ഷിക്കുമോ?
കുസൃതികാട്ടിപ്പിണങ്ങിയും പിന്നെ
വന്നുമ്മവച്ചും കിണുങ്ങിയും നില്ക്കുന്ന,
തനയനായി നീ മന്താനിലാ എന്റെ
യരികിലേക്കൊന്നു വീശി വന്നെത്തുമോ..
കോപഭാവം മറയ്ക്കുന്നൊരെന്നിലെ
സ്നേഹവാത്സല്യമെല്ലാമറിയുന്ന
എന്റെ ചിന്തകള്ക്കൊപ്പം ചരിക്കുന്ന
നല്ല ചങ്ങാതിയായി നീയെത്തുമോ...
എന്റെയൂഷ്മള സ്നേഹം കൊതിക്കുന്ന
മാനസത്തെ കളങ്കപ്പെടുത്തുവാന്
എത്തിടേണ്ട നീ കാമുകവേഷത്തില്മാത്ര
മെന്നരികില് പ്രണയ കാപട്യമായ്.
Comments