ആമസോണ് ഉടമ ജെഫ് ബെസോസ് ലോകസമ്പന്നന് - ജോര്ജ് ജോണ്
ഫ്രാങ്ക്ഫര്ട്ട്-ന്യൂയോര്ക്ക്: ഇ കൊമേഴ്സ് ഥീമനായ ആമസോണ് ഡോട് കോമിന്റെ ഉടമ ജെഫ് ബെസോസ് ലോകത്തെ ഏറ്റവും സമ്പന്നനായ വ്യക്തി. മൈക്രോസോഫ്റ്റ് സഹസ്ഥാപകന് ബില് ഗേറ്റ്സിനെയാണ് ജെഫ് പിന്നിലാക്കി ലോകത്തിലെ ഏറ്റവും സമ്പന്നനായ വ്യക്തിയായത്.
വ്യാഴാഴ് പുലര്ച്ചയോടെ ആമസോണ് ഡോട് കോമിന്റെ ഓഹരികള്ക്ക് 1.8 ശതമാനം വിലകൂടിയതാണ് 51കാരനായ ജെഫിനെ ലോകത്തെ ഏറ്റവും സമ്പന്നനായ വ്യക്തിയാക്കി മാറ്റിയത്.
മെയ് 2013 മുതല് ലോകത്തെ ഏറ്റവും സമ്പന്നനായ വ്യക്തിയെന്ന സ്ഥാനം ബില് ഗേറ്റ്സിനായിരുന്നു. മാധ്യമസ്ഥാപനമായ വാഷിങ്ടണ് പോസ്റ്റിന്റെയും ആമസോണ് ഡോട്ട് കോമിന്റേയും റോക്കറ്റ് കമ്പനിയായ ബ്ലൂ ഒറിജിന്റെയും ഉടമയാണ് ജെഫ് ബെസോസ്.
Comments