തൊരമില്ലാത്ത ത്വയിരംകൊല്ലികള്‍ തരാതരക്കാരെ തരത്തിലാക്കി
തകര്‍പ്പനൊരു തട്ടിപ്പുകട തരപ്പെടുത്തിയ കാര്യം "സാക്ഷരശ്രീ"
യില്‍ വിവരിച്ചിട്ടുണ്ട് . മേലേപ്പറമ്പിന്‍റെ മൂലയിലുള്ള മേല്പാലത്തിലൂടെ
മേലൊന്നുമില്ലാതെ മേനികാട്ടിമേഞ്ഞാല്‍പോലും മാലോകരാരും മിഴിതിരിക്കാത്ത മണ്ടനും മരങ്ങോടനും അണ്ടനും അടകോടനും
ആണ്ടിയും അണ്ട്യോനും കുണ്ടിലെ കുണ്ടനും കുന്നത്തെ കുഞ്ഞനും
തങ്ങളുടെ ജീവിതാനുഭവങ്ങളും ലക്ഷ്യങ്ങളും ദര്‍ശനങ്ങളും
ലോഭമില്ലാതെ വിളമ്പുന്നതുകണ്ടപ്പോള്‍ എനിക്കങ്ങു പെരുത്തുകയറി. അവന്മാരുടെ ലക്ഷ്യവും ദര്‍ശനവും ! ചുമ്മാ കയിലുംകുത്തിയിരുന്ന....

" ഒന്നുകൊണ്ടറിയേണം രണ്ടിന്‍റെ ബലാബലം " എന്നു കേട്ടിട്ടില്ലേ ?
അതുപോലെ ആ ഹോട്ടലില്‍ ഒരിക്കല്‍ കയറിയവര്‍ പിന്നെ കയറില്ല.
ഒരാള്‍തന്നെ രണ്ടുപ്രാവശ്യം കുത്തുപാള എടുക്കില്ലല്ലോ !

ഒരുതൊരവും ഇല്ലാതിരുന്ന ഒരു ഞായറാഴ്ച തോന്നിയ കുസൃതി :

അരുണോദയം , അരുണന്‍റെ രശ്മികള്‍ ... എന്നൊക്കെ കേട്ടിട്ടുണ്ടല്ലോ .
ആരാണ് ഈ അരുണ്‍ / അരുണന്‍ ? അരുണോദയത്തനാണെങ്കില്‍
അത്ര നല്ലതല്ലാത്ത അര്‍ത്ഥംപോലും കല്പിച്ചുകൊടുക്കാം. അത്രതന്നെ
കുഴപ്പമില്ലെങ്കിലും ' അരുണന്‍റെ രശ്മികള്‍ 'ക്കും അല്പമൊരു ദുരര്‍ത്ഥം
വേണമെങ്കില്‍ ചാര്‍ത്തികൊടുക്കാം : ' രശ്മി ' എന്നപേരുള്ള നിരവധി
ഭാര്യമാര്‍ ടിയാന് ഉണ്ടെന്ന്. പോരെ പൂരം !

എങ്കില്‍ " അരുണന്‍റെ രശ്മികള്‍ നിന്നെ തലോടുമ്പോള്‍ " കിം അര്‍ഥം ?
ഓന്‍റെ ഭാര്യമാര്‍ ഓനെ തലോടാതെ നിന്നെ തലോടണോ ? ചിന്തിക്കൂ .

" സംഗീതവും ദിവ്യസാഹിത്യവും ചുരത്തുന്നു നിന്‍ കുചങ്ങളാം കുംഭങ്ങള്‍ "
ഇതില്‍ ഏതാണ് ദിവ്യം ? സംഗീതമോ സാഹിത്യമോ ??

12 അങ എന്നാല്‍ രാതി 12 മണി ; 12 PM എന്നാല്‍ ഉച്ചക്ക് 12 മണി എന്നതോ ?

" അധികം വിസ്തീര്‍ണ്ണം വേണ്ട " !!! വിസ്തരിക്കണ്ട എന്ന്

രണ്ടു യുവമിഥുനങ്ങള്‍ : സാധാരണ കാണാം / കേള്‍ക്കാം