ചിക്കാഗോ : മലയാളി എഞ്ചിനിയേഴ്‌സ് അസോസിയേഷൻ ഇൻ നോർത്ത് അമേരിക്കയുടെ (മീന) വാർഷിക വിരുന്ന് നവംബർ 23 ശനിയാഴ്ച 6:30 (4265 White Eagle Dr Naperville, IL 60564) ആരംഭിക്കുന്നു. സാബു തിരുവല്ലയുടെ മുഖാമുഖമുള്ള തമാശ പ്രകടനം (stand-up comedy) സദസ്സിന് മുന്നിൽ കാഴ്ച്ചവയ്ക്കുന്നത് ഈ വർഷത്തെ ആഘോഷത്തിൻറെ പ്രത്യേകതയാണ്.

കലാരംഗത്ത് കഴിഞ്ഞ 30 വർഷമായി മിമിക്രി ആർട്ടിസ്റ്റ്, അവതാരകൻ, ഡബ്ബിംഗ് ആർട്ടിസ്റ്റ്, അഭിനേതാവ് എന്നീ നിലകളിൽ കഴിവ് തെളിയിച്ച തിരുവല്ലയുടെ അനുഗ്രഹീത കലാകാരൻ സാബു, ഏകദേശം 35 സിനിമകളിൽ അഭിനയിച്ചിട്ടുണ്ട്. മമ്മൂട്ടിയുടെയും മോഹൻലാലിന്റെയും മലയാള സിനിമകൾ തമിഴിലേക്ക് ഡബ്ബ് ചെയ്‌തപ്പോൾ അവർക്ക് വോയിസ് കൊടുത്തതും സാബുവാണ്.

1991 മുതൽ ചിക്കാഗോ ആസ്ഥാനമാക്കി പ്രവർത്തിച്ചുവരുന്ന മീന, വടക്കേ അമേരിക്കയിലുള്ള മലയാളി എഞ്ചിനീയർമാർക്ക് ഒരുമിച്ചു കൂടുവാനും തങ്ങളുടെ പ്രൊഫെഷണൽ രംഗങ്ങളിൽ വ്യക്തി മുദ്ര പതിപ്പിക്കുന്നതിനും പ്രവാസി മലയാളികളുടെ സാമ്പത്തിക സാമൂഹിക തലങ്ങളിൽ സഹായിക്കുന്നതിനും വേദി ഒരുക്കുന്നു. അർഹരായ നൂറു കണക്കിന് എഞ്ചിനീയറിംങ്ങ് കോളജ് വിദ്യാർത്ഥികൾക്കുള്ള സാമ്പത്തിക സഹായം നല്‌കുന്നതുൾപ്പടെയുള്ള പുരോഗമനപരമായ പല ദൗത്യങ്ങളും മീന ചെയ്തു‌കൊണ്ടിരിക്കുന്നു.

മീന കുടുംബാംഗങ്ങൾ അവതരിപ്പിക്കുന്ന രസകരവും ഉല്ലസപ്രദവുമായ രംഗങ്ങളും സ്വരലയ നൃത്ത വാദ്യ കലാപരിപാടികളും ഈ ആഘോഷത്തിൻറെ മാറ്റ് കൂട്ടുന്നതോടൊപ്പം വിഭവ സമ്യദ്ധമായ ഭക്ഷണവും ഒരുക്കിട്ടുണ്ട്. എല്ലാ എഞ്ചിനീയർമാരെയും അവരുടെ കുടുംബാംഗങ്ങളെയും സുഹ്യത്തുക്കളേയും ഭാരവാഹികൾ ഈ ആഹ്ളാദ സായാഹ്നത്തിലേക്ക് സാദരം ക്ഷണിക്കുന്നു. കൂടുതൽ വിവരങ്ങൾക്ക്: ടോണി ജോൺ (പ്രസിഡണ്ട്) (630-854-2775) ഫിലിപ്പ് മാത്യു (പി. ആർ. ഒ.) (224 -637-0068)