അറ്റ്ലാന്റാ- അമ്മ ( അറ്റ്ലാന്റാ മെട്രോ മലയാളി അസ്സോസിയേഷൻ) വിമൺസ് ഫോറത്തിന്റെ നേതൃത്വത്തിൽ ലോക വനിതാ ദിനം ആഘോഷിക്കുവാൻ ഒരു വൃതൃസ്തമായ
രീതി തിരഞ്ഞെടുക്കുകയായിരുന്നു. സ്വപ്നങ്ങൾക്കൊത്ത് നടക്കാൻ ഓരോ വനിതയും എന്നും ആഗ്രഹിച്ചിരുന്നു. പക്ഷെ ജീവിത പ്രാരാപ്തങ്ങൾ, തിരക്കുകൾ, തന്റെ സ്വപ്ന സാക്ഷാത്കാരത്തിൽ നിന്നും പ്ന്തിരിപ്പിച്ചിരുന്നു. ഈ വർഷം അമ്മയിലെ വനിതകൾ തന്റെ ഉള്ളിന്റെ ഉള്ളിൽ ഉറങ്ങിക്കിടക്കുന്ന സൗന്ദരൃ സങ്കൽപ്പങ്ങൾക്ക് നിറം കൊടുത്ത്
മനോഹര രൂപങ്ങളെ സ്രഷ്ടിക്കുകയാണ് ചെയ്തത്.
ഏതാണ്ട് മൂന്നു മണിക്കൂറോളം "പെയിന്റിംഗ് വിത്ത് എ റ്റ്വിസ്റ്റ്" എന്ന സ്ഥാപനത്തിൽ ഒത്തുകൂടുകയും തങ്ങളുടെ ഭാവനക്കനുസരിച്ച്
നിറക്കൂട്ടുകൾ ചാലിച്ച് മനോഹര ചിത്രങ്ങൾ നിർമ്മിക്കുകയും ചെയ്തു. ചിത്ര രചനക്കു ശേഷം സമീപത്തുള്ള ഭക്ഷണശാലയിൽ
നിന്നും ഒരുമിച്ച് ഭക്ഷണം കഴിച്ച് പിരിയുകയാണുണ്ടായത്.
ഈ ഏതാനും മണിക്കൂറുകൾ അന്യോനൃം സംസാരിക്കനും , അടുത്തറിയാനും, സന്തോഷം പങ്കിടാനും കഴിഞ്ഞു എന്നുള്ളത് വനിതാ ദിനത്തിലെ ഒരു നേട്ടമായി തന്നെ കണക്കാക്കാം.
വനിതാ ദിനം ആഘോഷിക്കുവാനും വേണ്ടവിധം പ്രയോജനപ്പെടുത്തുവാനും വേണ്ട എല്ലാ പ്രോത്സാഹനവും തന്ന
അമ്മ ഭാരവാഹികൾ പ്രത്യേകിച്ച് അമ്മപ്രസിഡന്റ് ജയിംസ്ജോയി കല്ലറക്കാനിയിൽ അഭിനന്ദനം അർഹിക്കുന്നു.
Comments