Type in Malayalam CLICK HERE

photo
JPMNEWS.com
joychenputhukulam.com
ജോയിച്ചൻപുതുക്കുളം.കോം

Phone  :  847 390 7836

Cell      :  847 345 0233

റോബിൻ ഇലക്കാട്ടിനെ, മാഗ്, ഫോമാ എന്നി സംഘടനകൾ എൻഡോർസ് ചെയ്തു   - അജു വാരിക്കാട്.

Picture

ഹ്യുസ്റ്റൺ: റൺ ഓഫിൽ എത്തി നിൽക്കുന്ന മിസോറി സിറ്റി മേയർ സ്ഥാനാർഥിയായ റോബിൻ ഇലക്കാട്ടിനെ ഇന്നലെ കേരളാ ഹൌസിൽ വച്ച് നടന്ന ലളിതമായ ചടങ്ങിൽ ജോർജ്ജ് കൊളാച്ചേരിൽ ഇൻട്രൊഡ്യൂസ് ചെയ്യുകയും തുടർന്ന് ഫോമക്ക് വേണ്ടി പ്രസിഡന്റ് അനിയൻ ജോർജ്ജ് റോബിനെ എൻഡോർസ് ചെയ്യുകയും ചെയ്തു. മാഗിന് വേണ്ടി മാഗ് പ്രസിഡന്റ് ഡോ. സാം ജോസഫ് ആണ് റോബിനെ എൻഡോർസ് ചെയ്തത്.


നീണ്ട വർഷങ്ങൾ പൊതുരംഗത്ത് പ്രവർത്തി പരിചയം ഉള്ള റോബിൻ നഗരാധിപൻ ആകുന്നത് മലയാളികൾക്ക് അഭിമാനമാണ് എന്ന് അനിയൻ ജോർജ്ജ് പ്രസ്താവിച്ചു. ന്യൂയോർക്കിൽ നിന്നും സെനറ്റർ സ്ഥാനത്തേക്ക് മത്സരിച്ചു വിജയിച്ച കെവിൻ തോമസിന്റെ ഉദാഹരണം ചൂണ്ടിക്കാട്ടി എല്ലാ മലയാളികളെയും റോബിന് വോട്ടു ചെയ്യണം എന്നും അനിയൻ ജോർജ്ജ് ആഹ്വാനം ചെയ്തു.



പല വർഷങ്ങളിലെ ഇടവേളയ്ക്ക് ശേഷം ബിസിനസ്സ് രംഗത്തുനിന്നും പൊതുരംഗത്തേക്ക് സജീവമായി തിരിച്ചെത്തുന്ന  റോബിൻ വിജയിച്ചാൽ ഗ്രെയ്റ്റർ ഹൂസ്റ്റണിലെ ആദ്യ മലയാളിയായ മേയർ എന്ന ചരിത്ര നിമിഷത്തിലേക്കാണ് റോബിൻ കാലെടുത്തുവെക്കുന്നത് എന്ന് ഡോ. സാം ജോസഫ് പറഞ്ഞു. യുവത്വത്തിന്റെ  പ്രസരിപ്പും കർമ്മോൽസുകതയാർന്ന പ്രവർത്തന മികവും കാഴ്ച വെച്ചുകൊണ്ടുള്ള റോബിന്റെ തിരഞ്ഞെടുപ്പുപ്രചാരണം ഏറെ ശ്രദ്ധ നേടിക്കഴിഞ്ഞിരിക്കുന്നു.



ഇന്ന് ആരംഭിക്കുന്ന ഏർളി വോട്ടിങ്ങിൽ എല്ലാ മലയാളികളും വന്നു തനിക്കു വോട്ടു ചെയ്തു വിജയിപ്പിക്കണം എന്ന് റോബിൻ മറുപടിയായി പറഞ്ഞു. അച്ചടക്കമുള്ള സാമ്പത്തിക രംഗം ഉറപ്പുവരുത്തും എന്നും, അതോടൊപ്പം ഒരേ സ്ഥാനത്തു ഒരാൾ തന്നെ പല നീണ്ട വർഷങ്ങൾ  തുടരുന്നത് പരിമിതപ്പെടുത്തും എന്നും, മിസ്സോറി സിറ്റിയുടെ മുഖച്ഛായ മാറ്റിമറിക്കാനാകുന്ന ഗുണനിലവാരമുള്ള സംരംഭങ്ങളെ സ്വാഗതം ചെയ്യുമെന്നും റോബിൻ കൂട്ടിച്ചേർത്തു. 

 
report: അജു വാരിക്കാട്.

Picture2

Picture3



Comments


Post A Comment
Name
Email
Location
Title
Comment
Security Code :  
Reload Image Reload for a new code