സൂം മീറ്റിങ്ങിൽ കൂടി സംഘടിപ്പിക്കുന്ന ചടങ്ങിലേക്കുള്ള ക്ഷണവിവരങ്ങൾ ഇതിനോടകം എല്ലാ ഡെലിഗേറ്റുകളെയും അറിയിച്ചിട്ടുണ്ട്. ഓരോ  സ്ഥാനാർത്ഥിയും, വളരെയേറെ നാളുകളായി നടത്തിവന്ന തിരഞ്ഞെടുപ്പ് പ്രചാരണ പരിപാടികളുടെ ആകെത്തുകയാണ് മത്സരഫലം. സൂമിലായാലും,   വിജയാഹ്ളാദങ്ങൾക്ക് ഒട്ടും  കുറവ്  ഉണ്ടാകുകയില്ല. വോട്ടിംഗ് പുരോഗതി അറിയുവാൻ പ്രത്യേകം സൗകര്യമൊരുക്കിയിട്ടുണ്ടന്ന് തിരഞ്ഞെടുപ്പ് കമ്മീഷൻ അറിയിച്ചു. എല്ലാവർക്കും വോട്ടു രേഖപ്പെടുത്തുവാൻ കഴിയുന്ന നൂതന സാങ്കേതിക സംവിധാനം കുറ്റമറ്റതാണ്.  അമേരിക്കൻ പ്രവാസി മലയാളി സംഘടനാ ചരിത്രത്തിൽ ആദ്യമായി നടത്തപ്പെടുന്ന ഓൺലൈൻ തിരഞ്ഞെടുപ്പിന്റെ നടപടിക്രമങ്ങൾ നേരിട്ട് അനുഭവിച്ചറിയുന്ന ത്രില്ലിലാണ് ഫോമാ ഡെലിഗേറ്റുകൾ.