ഒന്നിനുമല്ലാതല്ലത്രെ (മഞ്ജുള ശിവദാസ്)
നട്ടുനനച്ചു വളർത്തുവതൊരുനാൾ-
പിഴുതിടുവാനെന്ന്,
യന്ത്രക്കൈകൾ മാന്തിയെടുത്ത-
മരങ്ങൾ മന്ത്രിപ്പൂ...
ഫലേച്ഛയില്ലാതൊരു ചിരിപോലും-
മനസ്സറിഞ്ഞേകാൻ,
മടിച്ചിടും ചില മർത്യരിലിനിയൊരു-
പ്രതീക്ഷയില്ലത്രേ...
ഉടയവനോടും മായം കാട്ടും-
നരനുടെ കർമ്മത്തിൽ,
തെല്ലൊരു സംശയമുള്ളിലുദിച്ചാൽ-
അതിലൊരു തെറ്റുണ്ടോ?
ഏകുവതൽപ്പമതാകിലുമായിര-
മാളുകളറിയേണം,
പേരും പെരുമയുമുപഹാരങ്ങളു-
മില്ലത്രേ മോഹം...
പേറിയ പെരുമ പെരുപ്പിച്ചങ്ങിനെ-
പാടിടുമുദരങ്ങൾ,
കടമകളാലൊരു കുരുക്കുതീർത്തതിൽ-
കുടുക്കി പുത്രരെയും.
ഊട്ടിയ കൈകളുമൊരുനാൾ-
നന്ദികൾ പിടിച്ചുവാങ്ങീടാം,
നെറ്റിചുളുങ്ങിയ മുഖങ്ങളായവ-
നിരന്നു നിന്നീടാം.
പരിഭ്രമിയ്ക്കരുതിതാണു മർത്യർ-
ഫലേച്ഛയില്ലാത്തോർ,
പാരിലെയെല്ലാം പാലിപ്പവനുടെ-
പാലകരെപ്പോലെ..
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
