ചിക്കാഗോ സെന്റ് മേരീസ് ക്നാനായ കത്തോലിക്കാ ദൈവാലയത്തില് ഫെബ്രുവരി 3,4,5 തീയതികളില് നടന്ന മൂന്ന് നോമ്പാചരണവും പുറത്ത് നമസ്കാരവും ഭക്തിനിര്ഭരമായി . എല്ലാ ദിവസവും വൈകിട്ട് 7 ന് വി.കുര്ബ്ബാനയും പ്രത്യേക പ്രാര്ത്ഥനയും നടത്തപ്പെട്ടു . അവസാന ദിവസമായ ബുധനാഴ്ച്ച വൈകിട്ട് 7 ന് വി.കുര്ബ്ബാനയും തുടര്ന്ന് കടുത്തുരുത്തി സെന്റ് മേരീസ് ക്നാനായ ദൈവാലായത്തിലെ കല്കുരിശിങ്കല് നടത്തപ്പെടുന്ന പ്രത്യേക പ്രാര്ത്ഥനയായ പുറത്ത് നമസ്കാരവും നടത്തപ്പെട്ടു .
ഫാ. ബോബന് വട്ടംപുറത്തിന്റെ മുഖ്യകാര്മികത്വത്തില് നടത്തിയ പുറത്ത് നമസ്കാരത്തില് ഫാ. തോമസ് മുളവനാല്, ഫാ. ജോനസ് ചെറുനിലത്ത് എന്നിവര് സഹകാര്മ്മികരായിരുന്നു. ദൈവാലയത്തില് പ്രത്യേകം തയ്യാറാക്കിയ കുരിശ്ലടിയില് നേര്ച്ച എണ്ണ ഒഴിക്കുന്നതിനും തിരി കത്തിക്കുന്നതിനുമുള്ള അവസരമുണ്ടായിരുന്നു . നൂറ് കണക്കിന് വിശ്വാസികള് ത്രിദിനത്തില് നടന്ന തിരുകര്മ്മങ്ങളില് പങ്കെടുത്തു.
Comments