Type in Malayalam CLICK HERE

photo
JPMNEWS.com
joychenputhukulam.com
ജോയിച്ചൻപുതുക്കുളം.കോം

Phone  :  847 390 7836

Cell      :  847 345 0233

കൂടത്തായിലെ കൂട്ടക്കൊലപാതകം പ്രവാസിക്ക് ഒരു താക്കീത് (മോന്‍സി കൊടുമണ്‍)

Picture

കനകം മൂലം കാമിനിമൂലംകലഹം പലവിധമുലകില്‍ പെണ്‍ബുദ്ധി പെരുവഴിയില്‍ എന്ന് കേട്ടതൊക്കെ സത്യമാണോ? പണ്ട് ദൈവത്തിനോട് ആദാം പറഞ്ഞു കൂട്ടിന് തന്ന നാരിമൂലം പാട്ടിലായിപ്പോയി ഞാനെന്തു ചെയ്യും .മനോഹരമായ സ്വര്‍ഗ്ഗം ഈ കെട്ട നാരിമൂലം നശിച്ചു. ദൈവം അവരെ പുറത്താക്കി പിന്നെ നരകം എന്നു തന്നെ പറയാം .വീട്ടില്‍ സമാധാനമായി കഴിയുന്ന ഭര്‍ത്താക്കന്‍മാരെ തലയിണമന്ത്രം കൊടുത്ത് സമാധാനം കളയുന്നത് ഇവരാണ് അല്ലങ്കില്‍ നരകത്തില്‍ അയക്കുന്നത് ഇവരാണ്.കൂട്ടത്തായിലെ കുട്ടക്കൊലപാതകം ഇതിന് തെളിവല്ലേ?

 

ആറു കൊലപാതകം നടത്തിയിട്ടും ഇതു തെളിയിക്കാന്‍ പതിനേഴു വര്‍ഷമെടുത്ത കേരള പോലീസിസ് അമേരിക്കയിലെ പ്രവാസിക്കു മുന്‍പില്‍ മുട്ടുകുത്തണം കാരണം ഇതിന് തുമ്പുണ്ടാക്കിയത് അമേരിക്കന്‍ പ്രവാസിയാണ്. ചോര നീരാക്കി രാവും പകലും മഞ്ഞത്തും മഴയത്തും ചൂടത്തും പണിയെടുത്ത് കഷ്ടപ്പെട്ടുണ്ടാക്കിയ പ്രവാസിയുടെ സ്വത്തുക്കള്‍ തട്ടിയെടുത്ത് അവരെ നശിപ്പിച്ച് ഉന്‍മൂലനം ചെയ്യുക എന്നുള്ളത് നാട്ടിലെ സ്വന്തം ബന്ധുക്കളുടെ പണി ഇന്നും ഇന്നലെയും തുടങ്ങിയതല്ല. നമുക്കറിയാം ചെങ്ങന്നൂര്‍ കാരണവധക്കേസ് .

 

താന്‍ വര്‍ഷങ്ങളോളം അമേരിക്കയില്‍ കിടന്നു കഷ്ടപ്പെട്ടുണ്ടാക്കിയ സ്വത്തുക്കള്‍ തട്ടിയെടുക്കാന്‍ മരുമകള്‍ തന്നെ അദ്ദേഹത്തിനെ കൊന്നു കളഞ്ഞു. ഇപ്പോള്‍ മരുമകള്‍ ഷെറിന്‍ ആ ജീവനാന്തം ഉണ്ട കഴിച്ചു കൊണ്ട് ജയിലില്‍ കഴിയുന്നതില്‍ സന്തോഷം തന്നെ .കിട്ടിയ സ്വര്‍ഗ്ഗം നഷ്ടപ്പെടുത്തുന്ന നാരിമാര്‍ സ്വത്തിനു വേണ്ടി എന്തു നീച കര്‍മങ്ങളും ചെയ്യുന്നു .അതാണ് കൂട്ടത്തായിലെ ആറ് അറും കൊലകള്‍ നമ്മെ പഠിപ്പിക്കുന്നത് .സണ്‍ഡേസ്ക്കൂള്‍ അദ്ധ്യാപിക, ദിവസവും പള്ളിയില്‍ പോകുന്നവള്‍ കുര്‍ബാന കൊള്ളുന്നവള്‍ ഇതു പോരേ സമൂഹ മദ്ധ്യത്തില്‍ നല്ല പെണ്ണു ചമയാന്‍ .

 

അമിത വിനയം കള്ള ലക്ഷണമെന്നൊരു ചൊല്ലുണ്ട്. അമിതമായ ഭക്തി പള്ളിയില്‍ കാട്ടുന്നവരാണ് കപട സദാചാര വാദികള്‍ അവരാണ് നാടിനാപത്ത് .വാളെടുക്കുന്നവര്‍ എല്ലാവരും വെളിച്ചപ്പാടല്ല അതുപോലെ ബൈബിള്‍ എടുക്കുന്നവരും എല്ലാവരും വിശുദ്ധരുമല്ല. ഇത് മനസ്സിലാക്കുവാനുള്ള ബുദ്ധി പ്രവാസികള്‍ക്കുണ്ടാകുന്നില്ലെങ്കില്‍ നിങ്ങള്‍ ഇനിയും നശിച്ചു കൊണ്ടേയിരിക്കും.

 

നിങ്ങള്‍ ചോര നീരാക്കിയുണ്ടാക്കുന്ന പണം മൂലം നിങ്ങള്‍ തന്നെ കൊല്ലപ്പെ ടുവാന്‍ ഇടയാക്കരുത്. ഒരു ബന്ധുക്കളേയും അതിരുകവിഞ്ഞ് വിശ്വസിക്കരുത് .ഈ കൊലപാതക പരമ്പരപതിനേഴു വര്‍ഷം തുടര്‍ന്നിട്ടും ഇതു സ്വഭാവിക മരണമാണെന്നു എഴുതി തളളിയതിന്‍ പേരില്‍ ജോളി മാത്രമല്ല ഒരു വന്‍ സംഘം പ്രവര്‍ത്തി ച്ചിരുന്നതിന്റെ തെളിവാണ് അസുലഭമായി കിട്ടുന്ന പൊട്ടാസിയം സൈന ഡിന്റെ നിരന്തര ലഭ്യത . ഇത് വളരെ നേരിയ തോതില്‍ ഭക്ഷണത്തില്‍ കലര്‍ത്തി മരണം ക്രമേണയാക്കിയെടുക്കുവാന്‍ ഒരു നല്ല രസതന്ത്രജ്ഞന്റ ആവശ്യം വേണ്ടിവരും. കാരണം പൊട്ടാസിയം സൈനഡ് എന്ന വിഷം ക്ഷണ മരണം നല്‍കുന്ന സാത്താനാണ്.

 

ഏതു ചെറ്റത്തരത്തിന്റെയും പിന്നില്‍ ഒരു രാഷ്ടീയക്കാരനോ ഒരു മത നേതാവോ കണ്ടിരിക്കും അവരായിരിക്കും ഈ സ്ത്രീയുടെ ശക്തിയും .നമ്മുടെ പോലീസ് അവരെ പുറത്തു കൊണ്ടുവരും കാത്തിരിക്കാം .എന്തായാലും പ്രവാസികള്‍ നിങ്ങളുടെ ബന്ധുക്കളെ അത്ര വിശ്വസിക്കാന്‍ വരട്ടെ
ജാഗ്രതൈ......... ജാഗ്രതൈ

Picture2

Picture3



Comments


Post A Comment
Name
Email
Location
Title
Comment
Security Code :  
Reload Image Reload for a new code