തിരുവനന്തപുരം: നെയ്യാറ്റിന്കരയില് സനല് എന്ന യുവാവിനെ വാഹനത്തിന് മുന്നില് തള്ളിയിട്ട് കൊന്ന കേസിലെ പ്രതി ഡിവൈ.എസ്.പി ഹരികുമാറിനെ ആത്മഹത്യ ചെയ്ത നിലയില് കണ്ടെത്തി. തിരുവനന്തപുരം കല്ലമ്പലത്തെ വീടിന്റെ ചായ്പില് തൂങ്ങി മരിച്ച നിലയിലാണ് ഹരികുമാറിനെ കണ്ടെത്തിയത്. ഇന്നലെയാണ് ഹരികുമാര് വീട്ടിലെത്തിയതെന്നാണ് സൂചന.
കൊലപാതകത്തിന് ശേഷം ഒളിവിലായിരുന്ന ഹരികുമാറിനായി പോലീസ് അന്വേഷണം തുടരുന്നതിനിടെയാണ് ആത്മഹത്യ ചെയ്ത നിലയില് കണ്ടെത്തിയത്. ഹരികുമാറിനെ പിടികൂടണമെന്നാവശ്യപ്പെട്ട് സനല്കുമാറിന്റെ ഭാര്യ ഇന്ന് രാവിലെ ആരംഭിച്ച നിരാഹാര സമരം അവസാനിപ്പിച്ചു. വാഹനം വരുന്നത് കണ്ട് ഡി.വൈ.എസ്.പി. സനലിനെ തള്ളിയിടുകയായിരുന്നെന്ന െ്രെകംബ്രാഞ്ച് റിപ്പോര്ട്ട് ഇന്ന് കോടതിയില് ഹാജരാക്കാന് ഇരിക്കുകയായിരുന്നു. തമിഴ്നാട്ടിലും കര്ണാടകയിലും ഒളിവില് കഴിയുകയായിരുന്ന ഹരികുമാര് ഇന്ന് കേരളത്തില് തിരിച്ചെത്തി പോലീസില് കീഴടങ്ങുമെന്ന് റിപ്പോര്ട്ടുകളുണ്ടായിരുന്നു. ഹരികുമാര് നല്കിയ മുന്കൂര് ജാമ്യാപേക്ഷ ബുധനാഴ്ച കോടതിയുടെ പരിഗണനക്കു വരുന്നുണ്ട്.
Comments