മോസ്കോ : കാമുകനൊപ്പം വന്ന് താമസിക്കാന് തയാറായില്ല, കാമുകിയെ വെട്ടിമുറിച്ച് കൊലപ്പെടുത്തി. കൊലപാതകത്തിന് ശേഷം മാംസം അരച്ച് ഫ്ളഷ് ചെയ്തു. എല്ലുകള് തടാകത്തിലെ മീനുകള്ക്കും എറിഞ്ഞുകൊടുത്തു. റഷ്യയിലാണ് അതിക്രൂരമായ കൊലപാതകം.
ഡ്മിട്രി സെലെന്സ്കി എന്ന 36കാരനാണ് കാമുകി ടാറ്റിയാന മെലേഖിനയെ (27) ദാരുണമായി കൊലപ്പെടുത്തിയത്. ടാറ്റിയാനയുടെ പഠനശേഷം റഷ്യയിലെ നഗരമായ പേമില് പുതുജീവിതം തുടങ്ങാനായിരുന്നു ഇരുവരുടെയും പദ്ധതി. ഇതനുസരിച്ച് ടാറ്റിയാന പേമിലേക്ക് എത്തി. അവിടെവെച്ചാണ് ഡ്മിട്രിക്ക് രഹസ്യഭാര്യയും കുട്ടിയുമുണ്ടെന്ന് അറിയുന്നത്. ഇതിനെത്തുടര്ന്ന് ഇരുവരും വഴക്കായി. പേമില് താമസിക്കാനില്ലെന്ന് കാമുകി നിലപാടില് ഉറച്ചുനിന്നതോടെയാണ് ഡ്മിട്രി പ്രകോപിതനായത്.
കാമുകിയെ വെട്ടികൊലപ്പെടുത്തിയ ശേഷം ശരീരഭാഗങ്ങളോരൊന്നായി മുറിച്ചെടുത്ത് അരച്ച് ക്ലോസറ്റില് ഫ്ലഷ് ചെയ്തുകളഞ്ഞു. എല്ലുകള് പൊടിച്ച് നദിയിലെ മീനുകള്ക്ക് നല്കി. ടാറ്റിയാനയുടെ അച്ഛന് പൊലീസില് പരാതി നല്കിയതിനെ തുടര്ന്ന് നടത്തിയ അന്വേഷണത്തിലാണ് ധാരുണമായ കൊലപാതകരഹസ്യം ചുരുളഴിയുന്നത്.
Comments