ഭ്രാന്തോ , ആർക്ക് ? ( ചേറുശ്ശേരി അനിയൻ വാരിയർ )
വിവേകാനന്ദൻ പറഞ്ഞുപോൽ :
കേരളം ഒരു ഭ്രാന്താലയമാണ് !
തെറ്റീ, ആനന്ദാ, നിന്റെ കേരളം
ഭ്രാന്താലയമല്ല , പീഡനാലയമാണ് !!
[ ഭ്രാന്ത് രോഗമാണ് ; ചികിത്സിച്ചുമാറ്റാം
ഭ്രാന്ത് മൂത്താലോ ? ചികിത്സയുണ്ടോ ??
ആനന്ദനോട് ചോദിക്കാമെന്നുവെച്ചാല്
റിങ്ങുണ്ടെങ്കിലും ഫോണെടുക്കുന്നില്ല .]
തൊണ്ണൂറുമുതല് തൊണ്ണൂറുവരെയുള്ള
സ്ത്രീജനങ്ങള്ക്ക് ഫ്രീ വ്യായാമം
എതിര്ത്താല് ശാശ്വതനിദ്ര (ഭാഗ്യം )
' സ്ത്രീജന ' ങ്ങളല്ലാത്തവരുംപെടും ..
പീഡകര് ഏതു തരക്കാരുമാകാം ...
സ്കൂള്കുട്ടികള്മുതല് തലനിറന്ന
അദ്ധ്യാപകര് , പ്രധാനാദ്ധ്യാപകര്
സാരഥികള് ... ആള്ദൈവങ്ങളും !
ദൈവത്തോടടുത്തുനില്ക്കുന്നവര് ക്ക്
ജനങ്ങളുടെ കണ്ണില്മണ്ണിടാന് എളുപ്പം :
" ദൈവം നിന്നില് പ്രസാദിച്ചിരിക്കുന്നു ;
പ്രസാദം ഞാന് തരുന്നുവെന്നുമാത്രം "
അധികമാകുമ്പോള് , നിവൃത്തിയില്ലാതെ
ആരാധകര് പുറത്തുപറഞ്ഞുപോകും ....
സദാചാരക്കാര് ( അതോ ചാരന്മാരോ ? )
സടകുടഞ്ഞെഴുന്നേല്ക്കും : അല്ല പിന്നെ .
ഒരു ബഹളം : ഒരു പുക
പിന്നെല്ലാം പഴയപോലെ
വിവേകാനന്ദനെ തോല്പ്പിച്ചുകൊണ്ട്
പുച്ഛിച്ചുകൊണ്ട് കേരളം വളരുന്നു വാഴുന്നു
C. S. Sankara Warrier, Anubhuti Cherussery 680 306
Comments