ക്വലാലംപുര്: പാമ്പിനെ വിവാഹം കഴിച്ച യുവാവ് പാമ്പുകടിയേറ്റ് മരിച്ചു. മലേഷ്യയിലെ പ്രശസ്തനായ പാമ്പ് പിടിത്തക്കാരനാണ് മരിച്ചത്.. പാമ്പുകളെ കൈകാര്യം ചെയ്യുന്നതില് പ്രത്യേക വൈദഗ്ധ്യം പ്രകടിപ്പിച്ചിരുന്ന അബു സരിന് ഹുസിന് (33) ആണ് വെള്ളിയാഴ്ച മരിച്ചത്.
അഗ്നിസേനയില് ജീവനക്കാരനായ ഹുസിന്റെ വാര്ത്ത ബ്രിട്ടീഷ് മാധ്യമങ്ങളില് വന്നതോടെയാണ് ഇദ്ദേഹം പ്രശസ്തനായത്. പാമ്പുകളെ എങ്ങനെ കൈകാര്യം ചെയ്യണമെന്ന് അഗ്നസേനാംഗങ്ങളെ പരിശീലിപ്പിച്ചിരുന്നത് ഇദ്ദേഹമാണ്. തിങ്കളാഴ്ച പാമ്പുപിടിത്തതിനിടെ മൂര്ഖന്റെ കടിയേറ്റ് ആസ്?പത്രിയിലായിരുന്നു ഇദ്ദേഹം.
വളര്ത്തുപാമ്പ് 'പുനര്ജനിച്ച കൂട്ടുകാരി'യാണെന്നായിരുന്നു ഹുസിന്റെ വിശ്വാസം. ഇക്കാരണത്താല് താന് അതിനെ വിവാഹം കഴിച്ചുവെന്ന് 2016ല് മാധ്യമങ്ങള്ക്കു നല്കിയ അഭിമുഖത്തില് ഇദ്ദേഹം പറഞ്ഞു. നാലു പാമ്പുകളെ ഇദ്ദേഹം വീട്ടില് വളര്ത്തിയിരുന്നു. 'ഞാന് പാമ്പിനെ വിവാഹം കഴിച്ചെന്നു പറഞ്ഞ് എന്റെ ഫോട്ടോയുപയോഗിച്ച് മാധ്യമങ്ങള് കഥകളുണ്ടാക്കി'യെന്നാണ് വാര്ത്തകളോട് ഹുസിന് പിന്നീട് പ്രതികരിച്ചത്.
'ഏഷ്യാസ് ഗോട്ട് ടാലന്റ്' എന്ന ടെലിവിഷന് പരിപാടിയില് പങ്കെടുത്ത് പാമ്പിനെ ചുംബിച്ച് 'ധീരത'കാട്ടിയിരുന്നു.
Comments