ഉഴവൂര്‍: ഉഴവൂര്‍ ഒ.എല്‍.എല്‍. ഹൈസ്ക്കൂള്‍ നേതൃത്വം കൊടുത്തുകൊണ്ട് ഏപ്രില്‍ മാസം 9 മുതല്‍ ഒ.എല്‍.എല്‍. ഹയര്‍സെക്കന്ററി സ്കൂള്‍ ഗ്രൗണ്ടില്‍ അണ്ടര്‍ 17 വിഭാഗം കുട്ടികള്‍ക്കായുള്ള വേനല്‍ക്കാല ഫൂട്‌ബോള്‍ കോച്ചിംഗ് ക്യാമ്പ് സംഘടിപ്പിക്കുന്നു.
ജില്ലാ ഫുട്‌ബോള്‍ അസോസിയേഷനും, അല്‍ എത്തിഹാദ് ഫുട്‌ബോള്‍ അക്കാഡമിയും സംയുക്തമായിട്ടാണ് അണ്ടര്‍ 17 കോച്ചിംഗ് ക്യാമ്പ് ഒരുക്കയിരിക്കുന്നത്. ഏപ്രില്‍ 9 ന് ആരംഭിക്കുന്ന 2 മാസ ക്യാമ്പ് മെയ് 27നാണ് സമാപിക്കുക. ക്യാമ്പില്‍ ഒന്നാം ക്ലാസ് മുതലുള്ള കുട്ടികള്‍ക്ക് പ്രവേശനം ഉണ്ട്. വിദേശ കോച്ച് അടക്കമുള്ള പരിശീലകരാണ് ക്യാമ്പ് നയിക്കുക. ക്യാമ്പ് ഫീസ് 2000 രൂപയാണ്. എല്ലാ ദിവസവും വൈകിട്ട് 3 മുതലാണ് പരിശീലനം.
പ്രസ്തുത ക്യാമ്പിന്റെ പ്രചരണാര്‍ത്ഥം 2018 ഏപ്രില്‍ 1 മുതല്‍ 8 വരെ അണ്ടര്‍ 19 സെവന്‍സ് ഫുട്‌ബോള്‍ ടൂര്‍ണ്ണമെന്റ് നടത്തപെടുന്നു. ഒ.എല്‍.എല്‍. ഹൈസ്ക്കൂളും, യു.എഫ്.സി. ഇവന്റ്‌സ് ഉഴവൂരും സംയുക്തമായാണ് ഫുട്‌ബോള്‍ ടൂര്‍ണ്ണമെന്റ് സംഘടിപ്പിക്കുന്നത്. ടൂര്‍ണ്ണമെന്റില്‍ ഒന്നാം സ്ഥാനത്തെത്തുന്ന ടീമിന് സ:സി.ആര്‍. നാരായണന്‍ മെമ്മോറിയല്‍ എവറോളിംഗ് ട്രോഫിയും 8001 രൂപ ക്യാഷവാര്‍ഡും, രണ്ടാം സ്ഥാനത്തെത്തുന്ന ടീമിന് കല്‍ക്കത്തയിലെ എ.എം.ആര്‍.എല്‍. ആശുപത്രിയിലുണ്ടായ തീപിടുത്തത്തില്‍ രക്തസാക്ഷിത്വം വഹിച്ച, രാജ്യം ഫ്‌ളോറന്‍സ് നൈറ്റിംഗ്‌ഗേല്‍, ജീവന്‍രക്ഷാ പഥക് തുടങ്ങിയ മരണാന്തര ബഹുമതികള്‍ നല്‍കി ആദരിച്ച രമ്യാ രാജപ്പന്‍ മെമ്മോറിയല്‍ ട്രോഫിയും 4001 രൂപ ക്യാഷവാര്‍ഡും നല്‍കുന്നു. രജിസ്ട്രേഷന് ഫീസ് 700 രൂപ. ടൂര്‍ണ്ണമെന്റ് രജിസ്ട്രേഷന് 9447807574, 9961406049 എന്നീ നമ്പരുകളിലും, സമ്മര്‍ ഫുട്‌ബോള്‍ ക്യാമ്പ് രജിസ്ട്രേഷന് 9497319958 എന്നീ നമ്പരിലും ബന്ധപെടുക.
Comments
Our Sponsor
1 USD=
Warning: file_get_contents(https://www.google.com/finance/converter?a=1&from=USD&to=INR): failed to open stream: HTTP request failed! HTTP/1.0 404 Not Found
in /home/joyche5/public_html/adv-sidebar.php on line 211
0 INR
