കടല്‍ത്തിരമാലകള്‍ അലയടിക്കും പോലെ നിന്റെ കാല്‍ച്ചിലങ്കനാദം
എന്‍ ഹൃദയധമനിയില്‍ തട്ടി
ഞാനൊരു നൂലില്ലാപ്പട്ടം പോലെ
ആകാശത്തുയര്‍ന്നു നില്‍ക്കും ..
നിന്റെ കൈവിരലുകളിലെ നടനമുദ്രയാല്‍ എന്റെ മനസ്സു കീഴ്‌പ്പെടുത്തി നീ
കാല്‍ച്ചിലങ്കയാല്‍ എന്‍ മനസ്സില്‍ താളം ചവിട്ടുമ്പോള്‍ ഞാന്‍ നിനക്കായ് പാടിടാം

"പ്രിയസഖി നീ നിന്റെ
പ്രണയ മുദ്രകളാല്‍ എന്നെ വിളിച്ചുണര്‍ത്തി .
നിന്റെ കാല്‍ച്ചിലമ്പുകള്‍ കിലുങ്ങി
പ്രപഞ്ചം മയങ്ങി .
നിലാവ് പോലും മതി മറന്നു .
നിന്റെ ചടുല താളം മണ്ണിന്‍ മനസ്സില്‍ പുതിയ നാമ്പുകള്‍ മുളപൊട്ടി.
മാമലമേലെ നിന്നൊരമ്പിളി നിന്റെ നടനത്തില്‍ സ്വയം മറന്നു
നിന്നെ പുണരാന്‍ കൊതിക്കുന്നു
മഞ്ഞുനീര്‍ കണങ്ങള്‍
പ്രണയമൊരു ഗാനമോമനേ
തവ രാഗ ഭാവിതം
മനസ്സില്‍ നവ്യ ഭാവന സൂനം.