ബെര്‍ലിന്‍: ജര്‍മനിയില്‍ നിശ്ചിത വേഗ പരിധി ക്രമാതീമായി ലംഘിച്ച് വണ്ടി ഓടിക്കുന്നവര്‍ക്ക് ഇനിമുതല്‍ ജയില്‍ ശിക്ഷ ലഭിക്കും. ഈ നിയമം ജര്‍മന്‍ പാര്‍ലമെന്റിന്റെ രണ്ട ് സഭകളും പാസാക്കി ജര്‍മന്‍ പ്രസിഡന്റ് ഫ്രാങ്ക്‌വാള്‍ട്ടര്‍ സ്‌റ്റൈന്‍മയര്‍ ഒപ്പുവച്ചു.

ഇതേവരെ നിശ്ചിത വേഗ പരിധി ക്രമാതീമായി ലംഘിച്ച് വണ്ടി ഓടിക്കുന്നവര്‍ക്ക് കിട്ടിയിരുന്ന പരമാവധി ശിക്ഷ 400 യൂറോ പിഴയും, ഒരുമാസം ഡ്രൈവിംങ്ങ് ലൈസന്‍സ് ക്യാന്‍സലേഷനും ആയിരുന്നു. കൂടാതെ ഡ്രൈവിംങ്ങ് ലൈസന്‍സില്‍ രണ്ട ് നെഗറ്റീവ് പോയന്റ് രേഖപ്പെടുത്തലുമായിരുന്നു. എന്നാല്‍ പുതിയ നിയമം അനുസരിച്ച് നിയമലംഘനത്തിന്റെ കാഠിന്യം അനുസരിച്ച് രണ്ട ് വര്‍ഷം വരെ ജയില്‍ ശിക്ഷ ലഭിക്കാം.