കൊച്ചി: നടി ആക്രമിക്കപ്പെട്ട സംഭവത്തില്‍ ഗൂഢാലോചന കുറ്റത്തിന് അറസ്റ്റിലായ നടന്‍ ദിലീപിന്റെ ജാമ്യാപേക്ഷയില്‍ വിധി തിങ്കളാഴ്ച. ജാമ്യാപേക്ഷയില്‍ ദിലീപിന്റെ അഭിഭാഷകന്റെയും പ്രോസിക്യുഷന്റെയും വാദം വ്യാഴാഴ്ച പൂര്‍ത്തിയായിരുന്നു. അങ്കമാലി മജിസ്‌ട്രേറ്റ് കോടതി ജാമ്യം നിഷേധിച്ചതിനെ തുടര്‍ന്നാണ് ദിലീപ് ഹൈക്കോടതിയെ സമീപിച്ചത്.

കേസിലെ മുഖയസൂത്രധാരന്‍ ദിലീപ് ആണെന്ന് പ്രോസിക്യുഷന്‍ വാദിച്ചിരുന്നു. ഇന്ത്യന്‍ നിയമചരിത്രരത്തിലെ ആദ്യ ക്വട്ടേഷന്‍ മാനഭംഗമാണിത്. കേസ് ഡയറിയും ഹാജരാക്കിയിരുന്നു. എന്നാല്‍ കെട്ടിച്ചമച്ച കേസാണെന്നും സിനിമാ ജീവിതം തകര്‍ക്കാനുള്ള ഗൂഢാലോചനയാണെന്നും ദിലീപിന്റെ അഭിഭാഷകന്‍ കെ.രാംകുമാറും ചൂണ്ടിക്കാട്ടി.