ഘടികാരങ്ങള് നിലയ്ക്കുമ്പോള് (കവിത: സ്മിത സൈലേഷ്)
എന്റെ മരണദൂതുമായി
ആരും നിന്നെ തേടിവരില്ല
എങ്കിലും എന്റെ മരണത്തെ
നിന്റെ ഹൃദയം മാത്രം
അതിസൂക്ഷ്മമായി
രേഖപ്പെടുത്തി വെക്കും
നിന്റെ ഹൃദയത്തില്
അത് വരെ മിടിച്ചിരുന്ന
ഒരു ഘടികാരം
ആ നിമിഷത്തില്
നിശ്ചലമാകും
എന്തു കൊണ്ടെന്നാല്
പ്രിയനേ....
ഞാനെന്റെ പ്രാണന്റെ
സ്പന്ദനങ്ങള്
നിറച്ചു വെക്കുന്നത്
നിന്റെ ഹൃദയത്തിലാണല്ലോ.
Comments