വാഷിംഗ്ടണ്ഡിസി: അമേരിക്കയെ വീണ്ടും മഹത്തായ രാജ്യമാക്കി തീർക്കുമെന്ന് പ്രസിഡന്റ് ഡോണൾഡ് ട്രംപ്. പ്രസിഡന്റായി അധികാരമേറ്റ ശേഷം ക്യാപിറ്റോൾ മന്ദിരത്തിൽ ഉദ്ഘാടന പ്രസംഗം നടത്തുകയായിരുന്നു അദ്ദേഹം. നമ്മൾ ഒന്നു ചേർന്ന് അമേരിക്കയെ സന്പന്നമാക്കും. അമേരിക്കയെ മതിപ്പുള്ളതാക്കും അമേരിക്കയെ മികച്ചതാക്കും. ഇനി പാഴ്വാക്കുകളില്ല. ഇനിവരുന്നത് പ്രവൃത്തികളുടെ ദിനങ്ങളാണ് അദ്ദേഹം പറഞ്ഞു.
മുസ്ലിം തീവ്രവാദത്തിനെതിരെ ലോകത്തെ അണിനിരത്തും. ലോകത്തിൽനിന്നു തന്നെ ഭീകരവാദത്തെ തുരത്തുമെന്നും അദ്ദേഹം പറഞ്ഞു. ജനങ്ങളായിരിക്കും സർക്കാരിനെ മുന്നോട്ടു നയിക്കുക. ജനങ്ങളാണ് രാജ്യത്തിന്റെ ശക്തി. പ്രതിസന്ധികളെ അതിജീവിച്ച് അമേരിക്കയെ നയിക്കുകയാണ് ലക്ഷ്യം. കറുത്തവരായാലും വെളുത്തവരായാലും നമ്മൾ എല്ലാവരിലും ഒഴുകുന്നത് ദേശസ്നേഹത്തിന്റെ ചുവന്ന രക്തമാണെന്നും ട്രംപ് പറഞ്ഞു.
Comments