വാഷിംഗ്ടണ്ഡിസി: അമേരിക്കയുടെ 45ാമത്തെ പ്രസിഡൻറായി റിപ്പബ്ളിക്കൻ പാർട്ടിക്കാരനായ ഡോണൾഡ് ട്രംപ് സത്യപ്രതിജ്ഞ ചെയ്ത് അധികാരമേറ്റു. ക്യാപിറ്റോൾ ഹില്ലിൽ നടന്ന ചടങ്ങിൽ സുപ്രീംകോടതി ചീഫ് ജസ്റ്റീസ് ജോണ് റോബർട്സ് ട്രംപിനു സത്യപ്രതിജ്ഞാ വാചകം ചൊല്ലിക്കൊടുത്തു. മുൻ പ്രസിഡൻറ് ഏബ്രഹാം ലിങ്കണ് ഉപയോഗിച്ച ബൈബിളും 1955ൽ സണ്ഡേസ്കൂൾ പരീക്ഷ പാസായപ്പോൾ അമ്മ നൽകിയ ബൈബിളും ഉപയോഗിച്ചാണ് ട്രംപ് സത്യപ്രതിജ്ഞ ചെയ്തത്. ആദ്യം വൈസ് പ്രസിഡന്റ് മൈക് പെൻസാണ് സത്യപ്രതിജ്ഞ ചെയ്തത്.
ട്രംപിന്റെ മുഖ്യഎതിരാളിയായി മൽസരിച്ച ഹിലറി ക്ലിന്റണ്, മുൻ പ്രസിഡന്റുമാരായ ജോർജ് ഡബ്ല്യൂ ബുഷ്, ബിൽ ക്ലിന്റണ് എന്നിവർ ചടങ്ങിൽ പങ്കെടുത്തു. നേരത്തെ വാഷിംഗ്ടണ് സമയം രാവിലെ 9.30ന് പ്രഭാതഭക്ഷണത്തിനായി ട്രംപും ഭാര്യ മിലാന ട്രംപും വൈറ്റ് ഹൗസിൽ എത്തിയിരുന്നു. ബരാക് ഒബാമയും ഭാര്യ മിഷേലും ചേർന്ന് ഇരുവരെയും സ്വീകരിച്ചു.
Comments